haaaa? já það er laugardagur og ég sit með bryncí bestu vinkonu minni, prjóna og tala um typpin á fyrrverandi kærustum. andskotans seinustu dagar, það hlaut að koma í hausinn á mér hvað ég er búin að tala vel og mikið um nýfengna lífshamingju mína. seinustu dagar hafa verið hell. og ég ég er ekki eins vinamörg og ég taldi mig vera. engin furða, það nennir enginn að hanga með fýlupúka. ég er þó búin að finna lausn á þessu og borgaði bryncí fimmþúsundkrónur fyrir að halda utan um mig meðan ég lægi grátandi í fósturstellingu í sturtunni. ég held að það megi rekja þetta allt til óhóflegar drykkju og vanrækslu á sálinni. þess vegna tók ég mér líka drykkjupásu þessa helgina. eftir að hafa verið drukkin seinasta miðvikudag, smurrebröd með múttu, bjór og allt fóru tilfinningarnar á fullt þegar ég sá fyrrverandi manninn minn í sjónvarpinu og eyddi restinu af kvöldina í að gráta úr mér augun. þá var ekki aftur snúið og síðan þá hefur ekki lokast fyrir tárflóðið og naðra í vinnunni og vill einhver halda utan um mig helvítis fíflið þitt... verð fyri vestan fram á sumar og ekkert símasamband. leshringurinn kominn á fullt og nú er bara brúðkaupið næst á dagskrá. bless.

þess má geta að david bowie á einmitt afmæli í dag svo að þetta blogg verður tileinkað honum, að eilífu bowie!!!!

já, það er komið 2004 og eins og sannur hræsnari er ég með nokkur áramótaheit í erminni. eitt þeirra er að blogga a.m.k. 5 sinnum í viku, talið frá sunnudegi til mánudags. ég fattaði upp á þessu í gær svo að ég er á séns í dag. ástæðan fyrir því að ekkert hefur í mér heyrst undanfarið er að alla daga klukkan fimm er ég hef lokið 8 klukkustunda vinnudeginum mínum er ekkert meira heillandi en mitt ástkæra heimili og börnin 3 sem þar bíða mín. þess vegna nenni ég aldrei á bókasafnið til að blogga og ekki hef ég internetið á heimabæ. en á þessu verða hér með breytingar. af hverju? tja! ég veit það bara ekki. kannski af því að þarna sé ég ritsnilld mína einna helst njóta sín. mér blöskrar þó að nú þarf ég að borga 200 krónur í hvert skipti sem ég vil fara eina klukkustund í tölvuna hér á bókasafninu. það gerir 1000 krónur á viku og 4000 á mánuði. ef ég hefði vitað þetta myndi áramótaheitið kannski hljóma aðeins ódýrara. en hvað um það, þetta er aur vel varið.

annað áramótaheit er að byrja að læra á hljóðfæri eða fara í dans, tangó eða magadans. ég held ég velji dansinn þetta árið og hljóðfærið næsta. mig langar svo að gera eitthvað gott fyrir líkamann. magadans finnst mér ægilega heillandi og erótískur. ég er mjög erótísk þessa dagana. hugsa um fátt annað en samfarir við ókunnuga menn. á barnum reyni ég svo að nugga mér upp að fólki og væli ámátlega í eyru þess í von um að fá fullnægju... nú, þarna var ég aðeins komin út fyrir sporið. kannski ég gerist erótískur rithöfundur. ég er nú bara að gera gys. mér líður ósköp vel, frjáls eins og fugl og skotin í öllum í kringum mig. þó að það sé vetur úti líður mér eins og það sé vor í hjarta mínu.

áramótaheit 3. hafa meira samband við stóru systur mína sem einmitt varð fimmtug í gær og litla bróður minn sem er eiginlega ekki litli bróðir minn en hann verður 17 ára núna í janúar líka. ótrúlegt!

seinasta. að sjálfsögðu svo að bæta mannlegu þættina. gengur ekkert rosa vel. ég er nokkrum sinnum búin að blóta fólki á þessu ári sem ég átti ekkert með að vera að blóta. mér finnst það alltaf versti lösturinn fyrir utan að vera morðingi og barnaníðingur. að agnúast út í aðra.

ég þoli eiginlega ekki gamlárskvöld. aðallega af því að ég var ekki kysst. allavega ekki á munninn.

ég er frekar hamingjusöm. ég skil ekki af hverju. ég er drukkin out of my head um hverja einustu helgi. ætti líffræðilega ennþá að vera að jafna mig eftir dópneysluna í hollandi sem á víst að gera mann þunglyndann. kannski af því að ég þekki besta fólkið.

jæja, komin með tár í augun og ætla ekki að ofgera mér svona nýkomin úr fríi.