halló! glöggir lesendur, vinir og aðrir ættu að vita að á morgun rennur dagurinn upp! jú jú, ég verð tventífokkíngfæv klukkan 5:41 næstu nótt/morgunn. í gær fór ég í göngtúr til að hreinsa þynnkuna úr huganum. veðrið var skelfilegt og ég táraðist þegar ég heyrði litlar kisur skæla fyrir utan útihurðina á mannlausu húsi. sumt fólk ætti ekki að fá að eiga gæludýr en það er önnur saga. um veðrið... ég veit fyrir víst af því að móðir mín segir mér söguna af fæðingu minni á hverju einasta ári þegar ég á afmæli að veðrið þann dag 1979 var ekki gott. þá var gatið á ósonlaginu auðvitað ekki jafn stórt svo að móðir mín þurfti að vaða snjóinn upp í klof út á bílaplan í brjáluðu roki og óveðri svo að sjúkrabíllinn gæti sótt hana. og að sjálfsögðu allan þann tíma sem að það tók var ég að reyna að komast út úr henni. þegar upp á spítalann var komið stefndi í óefni því ég var föst einhversstaðar þarna í hyldýpinu sem hún mamma er. auk þess var ég eitthvað úldin því að með réttu hefði ég átt að fæðast vatnsberi 11. febrúar en ekki fiskur 9. mars. úr því að ég sat föst þurfti læknirinn að grípa til þess ráðs að skera mig út, þ.e. taka mig með keisaraskurði því ég átti ekki langt eftir í þessu ástandi né heldur móðirin. og í öllu odfboðinu, læknirinn öskrandi, mamma grátandi og ekki ég, var ég skorin út nema læknandskotinn var að drífa sig svo að hann skar gat á hausinn á mér og eftir það er ég með um þriggja sentimetra langt ör fyrir ofan vinstra eyrað. græn á litinn var ég síðan barinn á rassinn sem einu sinni var lítill og hent í hitakassa. ég og mamma hittumst síðan ekki fyrr en þremur dögum seinna og þá í raun í fyrsta skipti. ég kenni því um brösuleg samskipti okkar mæðgna í gegnum tíðina.
annars eyddi ég föstudegi í góðu yfirlæti með hulla og drakk mig fulla á laugardag. og ég fékk nýjan sófa í gær. jibbíííí. arnar&móa fengu hinn fræga flaps-sófa frá fyrrum tengdó svo að ég fékk þeirra gamla sem er ekki bara flottur heldur er hann líka svefnsófi og ég get legið þver og endilöng í honum og samt er enn pláss eftir fyrir a.m.k. einn rass.
ég hlakka svo til að eiga afmæli... see ya!
afmælisóskalisti:
1. dvd spilari
2. glerhjálmurinn eftir sylviu plath
3. sexandthecity, sería 4&5 ? dvd
4. handryksuga
5. baðvog úr þorsteini bergmann
6. tónlist
7. expressókönnur, litla & stóra
8. sígarettur
9. allt sem til er í heiminum með emily strange
10. inniskó fyrir vinnuna