þriðjudagur

góðan dag... samhliða því að vakna ofursnemma í morgun er ég ofursæt í dag. þeir sem hafa áhuga á að kíkja á gripinn!; ég verð í austurstræti 18 milli kl. 9 & 5 í dag. og af gefnu tilefni er ég líka með hauskúpuhringinn minn forláta sem hefur enn meiri tilgang núna því að nýja hetjan mín, rafvirkinn sem líka er manneskja og ég fæ fiðrildi í magann útaf veður í hauskúpum upp að mitti.
eitt er það sem vakið hefur athygli mína... strákurinn í 10-11 með post-unglingaveikina er iðulega að ganga frá bakarís dótinu um það leyti sem mér hugkvæmist að mæta til vinnu(á undan öllum hinum). eins og siðprúðum starfsmanni sem handleikur matvæli er hann með fallega túrkisbláa gúmmíhanska þegar hann raðar bakkelsinu í klepparahillurnar. nema hvað að í morgun þegar ég var þarna í 10-11 að kaupa bananasplitteftirlíkinguna í skyri afgreiddi pilturinn góði mig og gaf mér svo til baka klinkið mitt án þess að taka af sér fallegu túrkís hanskana, hljóp beint aftur í brauðið og byrjaði að raða því í klepparahillurnar. af augljósum ástæðum mun ég ekki kaupa aftur brauð eða bakkelsi í 10-11. heyrumst á eftir...

gestabók

Engin ummæli: